Aviso legal

Este aviso legal regula o acceso, navegación e utilización da páxina web www.begasa.es e os seus subdominios, así como da aplicación móbil “Begasa”(dispoñible para Android e iOS) (en adiante, denominaranse conxuntamente como o “Portal”), titularidade de BARRAS ELÉCTRICAS GALAICO-ASTURIANAS, S. A. (en adiante, “BEGASA”), con NIF A-33001983, domicilio social en rúa Aller Ulloa, Ramón María n.º 9, (Lugo), España, inscrita no Rexistro Mercantil de Lugo, ao Tomo 161, Folio 1, Folla LU-657.

O acceso, navegación e utilización do Portal implican a aceptación expresa e sen reservas de todos os termos do presente aviso legal, que terá a mesma validez e eficacia que calquera contrato celebrado por escrito e asinado.

A súa observancia e cumprimento serán esixibles respecto de calquera persoa que acceda, navegue ou utilice o Portal. Se non estás de acordo cos termos expostos, non accedas, navegues ou utilices o Portal.

Para os efectos do previsto nos artigos 319 da Lei de Sociedades de Capital (en diante, "LSC") e 170 do Regulamento do Rexistro Mercantil, faise constar que a Xunta Xeral Ordinaria de Accionistas da sociedade BARRAS ELÉCTRICAS GALAICO-ASTURIANAS, S.A (a "Sociedade"), na súa reunión celebrada o día 26 de marzo de 2026, acordou, entre outros:

Por unha banda, a redución do capital social nun importe de VINTE E SEIS MIL CATROCENTOS VINTE E UN EUROS CON SESENTA E DOUS CÉNTIMOS (26.421,62 €), desde a cifra actual de QUINCE MILLÓNS SEISCENTOS OITENTA E NOVE MIL SETECENTOS NOVENTA E SEIS EUROS CON SESENTA E DOUS CÉNTIMOS (15.689.796,62 €) ata a cifra de QUINCE MILLÓNS SEISCENTOS SESENTA E TRES MIL TRESCENTOS SETENTA E CINCO EUROS (15.663.375 €), para os efectos de incrementar o saldo da conta “Reserva Legal e Estatutaria” da Sociedade por importe de VINTE E SEIS MIL CATROCENTOS VINTE E UN EUROS CON SESENTA E DOUS CÉNTIMOS (26.421,62 €) (a "Primeira Redución de Capital").

A Primeira Redución de Capital afectou á totalidade das 5.221.125 accións ao portador, numeradas correlativamente da 1 á 5.221.125, ambas as inclusive, representativas do 100% do capital social da Sociedade, e levouse a cabo mediante a redución do seu valor nominal, o cal ascendía a un total de QUINCE MILLÓNS SEISCENTOS OITENTA E NOVE MIL SETECENTOS NOVENTA E SEIS EUROS CON SESENTA E DOUS CÉNTIMOS (15.689.796,62 €), equivalente a 3,005061€ por acción, de xeito que pasou a ser de QUINCE MILLÓNS SEISCENTOS SESENTA E TRES MIL TRESCENTOS SETENTA E CINCO EUROS (15.663.375 €), equivalente a TRES EUROS (3,00 €) por acción.

De conformidade co previsto polo artigo 335.c) da Lei de Sociedades de Capital, dado que a finalidade da Primeira Redución de Capital foi o incremento da reserva legal da Sociedade, non concorre dereito de oposición dos acredores da Sociedade en relación á Primeira Redución de Capital, e, por tanto, declarouse a execución e eficacia inmediata da mesma.

Así mesmo, na mesma reunión, a Xunta Xeral Ordinaria de Accionistas da Sociedade acordou a redución do capital social nun importe de ONCE MIL NOVENTA E UN EUROS (11.091 €), desde a cifra de QUINCE MILLÓNS SEISCENTOS SESENTA E TRES MIL TRESCENTOS SETENTA E CINCO EUROS (15.663.375 €), resultante tras a execución da Primeira Redución de Capital, ata a cifra de QUINCE MILLÓNS SEISCENTOS CINCUENTA E DOUS MIL DOUSCENTOS OITENTA E CATRO EUROS (15.652.284 €), mediante a amortización de 3.697 accións ao portador, numeradas correlativamente da 5.214.901 á 5.217.339, 5.218.040, 5.218.579 á 5.219.097, 5.219.222 á 5.219.335, 5.219.485 á 5.219.484 e 5.219.533 á 5.219.677, todas elas inclusive (as "Accións Afectadas"), coa finalidade de devolución do valor das achegas (a "Segunda Redución de Capital").

De conformidade co artigo 335.b) da Lei de Sociedades de Capital, para os efectos da Redución de Capital a Xunta Xeral Ordinaria de Accionistas da Sociedade acordou constituír unha reserva indispoñible por un importe equivalente ao do capital amortizado, isto é de 11.091€, da que só será posible dispoñer cos mesmos requisitos esixidos para a redución do capital social. En consecuencia, de conformidade co devandito artigo, os acredores da Sociedade non terán o dereito de oposición previsto no artigo 334 da Lei de Sociedades de Capital en relación coa Segunda Redución de Capital.

Como consecuencia do anterior, a Segunda Redución de Capital, a cal quedo executada ao momento da súa aprobación. Para estes efectos, a devolución do valor das achegas, que ascende á suma de DOUSCENTOS CINCUENTA E UN MIL TRESCENTOS NOVENTA E SEIS EUROS (251.396 €), realizarase no prazo máximo de dous (2) meses contados desde a publicación do presente anuncio no Boletín Oficial do Rexistro Mercantil e no diario correspondente, aos accionistas que acrediten a súa titularidade das Accións Afectadas mediante a entrega dos correspondentes títulos ao portador acompañados de documento acreditativo da súa identidade, na conta bancaria indicada para estes efectos, debendo achegar así mesmo o certificado de titularidade da devandita conta. A tal fin, os accionistas deberán dirixirse á Sociedade, a través do correo electrónico juntageneral2026@begasa.com ou da dirección postal seguinte: rúa Aller Ulloa, Ramón María nº 9, (27003) Lugo, á atención do Secretario do Consello.

Finalizado o prazo de dous (2) meses referido no parágrafo anterior, as cantidades non reclamadas consignaranse na conta corrente número ES06 0182 5646 6102 0154 2977 aberta baixo a titularidade da Sociedade na entidade Banco Bilbao Vizcaya Argentaria, S.A. (BBVA) no termo municipal de Lugo, ao dispor dos accionistas titulares das Accións Afectadas para o seu pago contra acreditación da súa titularidade sobre as mesmas á conta bancaria indicada a tales efectos, mediante a entrega dos correspondentes títulos ao portador acompañados de documento acreditativo da súa identidade, debendo achegar así mesmo o certificado de titularidade da referida conta bancaria.

En Lugo, ao 26 de marzo de 2026.- O Secretario do Consello de Administración, Don Pelayo Echevarría Ybarra.